Footer

SALAYSAY: Kannawidan Ylocos Festival: Burit ni Ilokano (Maudi a paset)

PANAGLAGA. Ipakpakita ti maysa a nalaing a lumalaga ken ni Gov. Deogracias Victor Savellano no kasano ti panagikabil iti lebleb ti basket a linagana bayat ti panagpasiar ti gobernador kadagiti booth dagiti il-ili. (Dante A. Tacata)

PANAGLAGA. Ipakpakita ti maysa a nalaing a lumalaga ken ni Gov. Deogracias Victor Savellano no kasano ti panagikabil iti lebleb ti basket a linagana bayat ti panagpasiar ti gobernador kadagiti booth dagiti il-ili. (Dante A. Tacata)

Inawat met dagiti maibilangen nga institusion iti agduduma a produkto iti probinsia ti Living Treasure Awards kas kada: Teodora Rodrigo, Corazon Agosto (abel weaving); Elena Panela, Isabelita Quitevis, Isabel Pagal (loom weaving) Salvacion Ramos (burial cloth weaving); Juanito de la Cruz, Brigido Espejo (basi ken suka); Arsenio Alzate (basketry and soft broom making), Vicente Quitioan (sagad); Melecio Subadi (labtang making); Ernesto Asitura (stone craft); saturnine Mandac (kattokong making); Fidel Go (jar making); Matilde Tongson (bibingka); Margarita Bigsao (bamboo craft); Diego Baday (labba ken bigao making); Caridad Lacasandile (lace making); Dionisio Pal-oay (bamboo hat making); Hilaria Lais (bag ken basket weaving); Nelson Alonzo (tambourine making); Florentino Pilar (saddle making); Isabelita de la Cruz (Ilocano pastries); Teresita Lagasca (turones de mani); Lorenzo Mata (abaniko); Perlita Varilla (opia making); Felicisima Frando (pottery making); Emilio Wagan (chant); ken Manuel Buagayan (gong playing).

Iti maudi nga aldaw ti parambak, naiyawat ti premio kadagiti nangabak iti Salisal Iladawanna’t Gaget ti Lumugar, Agsaknap ti Timpuyog wenno SIGLAT Awards. Agdagup iti 768 a barangay ti Ilocos Sur ti nagsasalip para iti naduma-duma a kategoria a nagsentro iti health, nutristion ken environmental protection; peace and order, social welfare, public safety ken disaster risk management; education, culture and youth development; agricultural productivity, cooperative development ken entrepreneur; governance and ddministration.

Nag-overall champion ti ili a Cabugao a nakaala iti 11 a pammadayaw. Napili kas Best in Coastal Resource Mgt. ken Best in Fish Production ti Bgry. Dardarat; Best Innovative Practices, Best Brgy. Herbary, Best in Gender and Development, Best in Tourism Promotion ken Outstanding Sangguniang Kabataan ti Brgy. Pug-os; Best Implementer in PWD ti Brgy. Rizal ken Best in Fiscal Mgt. ti Bgry. Salapasap. Napili pay kas Outstanding Punong Barangay ni Percival Savellano ti Brgy. Salapasap.

First Runner-Up ti Tagudin babaen ti pannakagun-od ti Brgy. Baracbac ti Best in Nutrition Program, Brgy. Lacong kas Best in Agricultural Productivity, Bgry. Magsaysay iti Best Implementer in Elderly Program, Brgy. Pudoc West ti Best in Non-Formal Education, Bario-an kas Best Brgy. Cooperative ken Outstanding Brgy. Based Entrepreneur ni Danilo Sevilla ti Brgy. Bimmanga.

Nagun-od met ti Candon City ti kina-2nd Runner-Up kalpasan a mapili ti Brgy. Calaoa-an kas Best Implementer in SWM ken Best Performing Barangay, Brgy. San Andres kas Most Healthy Barangay, Greenest Barangay ti Palacapac ken Outstanding Day Care Worker ni Myrna Novida ti Brgy. Oaig Daya.

Nagtabla met iti kina-3rd Runner-Up ti ili a Gregorio del Pilar ken Vigan City a nakagun-od iti saggatlo a pammadayaw. Best Brgy. Tree Park ti Poblacion Norte, Best in Organic Farming ti Matue ken Outstanding Brgy. Nutrition Scholar ni Delia Dalida ti Poblacion Norte, agpapada a barangay iti Gregorio del Pilar idinto a napili met kas Safest and Most Peaceful Barangay, Most Funcional BADAC ken Best in Sports and Physical Fitness ti Brgy. Beddeng-Laud ti Vigan City.

Dagiti dadduma pay a nakaawat iti pammadayaw: Most Functional Botika ng Barangay ti Brgy. Maratudo, Magsingal; Outstanding Farmers’ Association ti Brgy. Barbarit, Magsingal; Cleanest Barangay ti Sto. Tomas, Sto. Domingo; Best in Livestock Development ti Namitpit, Quirino; Best in Backyard Gardening ti Poblacion Sur, Lidlidda; Most Functional Brgy. Disaster Cooadinating Council ti Kalumsing, San Emilio; Outstanding Lupong Tagapamayapa (1st-3rd Class Municipality) ti Pinipin, Sta. Cruz, 4th-5th class met ti Dalawa, Alilem; Best managed Elementary School at the Barangay ti Tinaan, Sta. Maria; Best Day Care Center ti San Isidro, Bantay; Outstanding Sangguniang Barangay ti Bannuar, San Juan; Best Performing NGO ti Balidbid, Salcedo ken Outstanding Barangay Health Worker ni Juana Tubon ti Napo, Sto. Domingo.

Iti sumipnget, naangay ti maysa a period party iti daan a balay (maysa itan a museum) daydi Fr. Jose Burgos. Nagsikawes dagiti dimmar-ay iti pagan-anay a maiyataday iti tema a panawen ti Kastila. Nagkalesa pay ti dadduma a simmangpet idinto a sinarabo ida dagiti kadaanan a sonata babaen ti maysa a grupo ti kumakanta.

Kas pangpinale, naipabuya ti maysa a sarsuela a nagpaayan pay ti gobernador kas maysa kadagiti aktor. Panangipakita daytoy a masapul a mataginayon daytoy a klase ti literatura a nangray-aw ken namagsangit kadagiti lelong ken lelangtayo ken nangitandudo kadagiti nalalaing a mannurattayo tapno maam-ammoda iti sibubukel a pagilian.

Nangpangayed pay iti Kannawidan Ylocos Festival ti yaay dagiti celebrities a kas kada Paolo Bediones, Jomari Yllana, Janina An Miguel, Richard Poon, Yeng Constantino, Vhong Navarro, Sam Milby, Pokwang, Pooh Quaio ken Side A.

Saan man a mailinia daytoy iti dadduma a daddadakkel a festival iti sabali a paset ti pagilian no iti kaadu ti tao ti pagbasaran, makuna a daytoy ti maysa kadagiti kadakkelan a parambak a naangay iti sibubukel a Rehion Uno wenno iti Kailokuan. Daytoy pay laeng ti maikadua a tawen a pannakaisayangkatna ngem makita a mangrugi metten a makaaramid iti bukodna a nagan.

Mangnamnama ti gobierno probinsial a dumakkel pay a dumakkel daytoy kadagiti masungad a tawen.#

Comments are closed.