Footer

Strawberry Festival, naisilpo iti Panagbenga

TRINIDAD, Benguet – Pormal a nangrugi ti Strawberry Festival ditoy kagiddan ti panagserra ti Panagbenga idi Marso 8.

Kinuna ni Mayor Artemio Galwan nga insilpoda ti festivalda iti Panagbenga tapno agderetso a mapan makipagrambak iti lugarda dagiti turista a simmang-at iti Baguio para iti Panagbenga.

Karaman dagiti aktibidad iti dua a lawas a parambak ti strawberry picking contest, tour kadagiti strawberry farms, agro trade fair, photo shoot competition ken dadduma pay.

Malaksid iti nateng, ti strawberry ti kangrunaan a maimulmula ditoy nga ili ken paggapuan dagiti produkto nga strawberry jam a paborito a gatgatangen dagiti turista no maidaw-asda iti Baguio City.#

Comments are closed.