Footer

Mula a marihuana, napuoran

ALILEM, Ilocos Sur – Naangay ditoy itay nabiit ti ceremonial burning dagiti puon ti marihuana nga insalog dagiti nagtitipon nga operatiba ti PNP kalpasan ti insayangkatda nga Oplan Saripda Berde – Marijuana Eradication iti nagbeddengan ti La Union, Benguet ken Ilocos Sur.

Mapattapatta a nasurok a 115,000 a fully grown a marihuana, 60 a bunubon ti pinag-ot ken pinuoran iti insayangkat dagiti nagtitipon nga operatiba ti PRO1, PDEA, RMG ken dagiti polis ditoy nga ili iti nagbeddengan ti Barangay Tubaday, Santol, La Union; Barangay Licungan, Sugpon, Ilocos Sur ken Barangay Kibungan, Benguet.

Nasurok met a 115,000 a fully grown a marihuana ti napag-ot iti nagbeddengan ti Bakun, Benguet ken Amilongan, ditoy nga ili.

Nupay kasta, awan ti naaresto nga agay-aywan kadagiti napag-ot a maiparparit a mula.#

Comments are closed.