Footer

Biahe ti eroplano iti Vigan City, nangrugin

VIGAN CITY – Simmanglad iti alas 5:15 ti malem ti Marso 19 iti Mindoro airport ditoy ti umuna a biahe ti Inter-Island Airlines a nagrubbuat manipud Manila.

Nagrubbuat met laeng ti eroplano nga agsubli iti Manila iti alas siete ti bigat ti Marso 20.

Sabali pay ti biahe ti nasao nga airlines iti alas kuatro ti malem tunggal Domingo manipud Manila nga agpa-Vigan City sa agsubli iti Manila iti kabigatanna.

P3,450 ti plete iti one way idinto a P6,900 ti round trip ticket.

Nangilatang ti gobierno probinsial iti P1.6 milion para iti 30 a guaranteed seats nga alaen ti probinsia tapno maguyugoyna ti nasao a kompania a manglukat iti rota a Manila-Vigan ken Vigan-Manila.#