Footer

Fire drill, naisayangkat

CABUGAO, Ilocos Sur – Nangisayangkat ti Bureau of Fire Protection iti fire drill iti maysa nga ospital ditoy itay nabiit.

Sumagmamano a residente ti nakigtot ta kasla pudno nga adda mapaspasamak nga uram gapu iti wengweng dagiti fire truck a nagsardeng iti sango ti Suero General Hospital a rumrummuaran iti asuk.

Kinuna ni Senior Fire Officer Marlon Quebral, hepe ti BFP ditoy, nga inangayda ti fire drill kas paset ti panagalertoda iti Fire Prevention Month a maselselebraran iti bulan ti Marso.

Kalpasan laeng ti fire drill, nagresponde dagiti bumbero iti maysa a pudpudno nga uram iti Barangay Rizal ditoy nga ili.#

Comments are closed.