Footer

Videoke bar, rinaut dagiti polis

CANDON CITY – Uppat a tattao agraman ti manager manager ti maysa a videoke bar ti nakasuan iti city prosecutor’s office kalpasan a natiliwan nga agpabpabuyada iti lamolamo a babai ditoy.

Rinaut dagiti polis ti Gian and Leo Videoke Bar a masarakan iti Barangay Paras ditoy siudad iti alas 11 ti rabii ti Marso 17 ket tiniliwda da Eligio Villalobos, 48, naasawaan, residente iti Barangay San Isidro, Candon City, manager ti bar; Aiza Beron y Alvarez, 20, naasawaan, residente iti Tacloban City, mannala; Locadio Espino, 34, baro, floor manager, residente iti Catbalogan, Samar; ken Jeremy Galanga, 20, baro, disc jockey ken residente iti Banayoyo, Ilocos Sur, kalpasan nga adda naawatda a pulong nga agipabpabuya ti nasao a bar iti babbai nga agsala a lamolamo.

Nagtipon ti CIDG ken dagiti polis ditoy a nangraut iti nasao a videoke bar.#

Comments are closed.