Footer

Alawans dagiti provincial scholars, naiwaras

VIGAN CITY – Inawat dagiti 308 nga iskolar ti probinsia nga agbasbasa iti nadumaduma nga state colleges ken universities ti alawansda itay Marso 13 iti provincial capitol ditoy.

Inawat tunggal iskolar iti P2,000 nga alawansna iti sibubukel a 2nd semester ti school year 2008-2009 ken P500 a book allowance.

Naiyawat pay itoy nga okasion ti tseke nga aggatad iti P70,000 para kadagiti sangapulo a provincial scholars nga agad-adal iti St. Paul College of Ilocos Sur.#