Footer

Estudiante natiliw iti drug buy-bust operation

BENGUET – Maysa nga estudiante ti inaresto dagiti polis iti insayangkatda nga entrapment operation iti Km 6, Betag, La Trinidad ditoy.

Inaresto dagiti polis ni George Tugade Perto, 18, baro, taga-Lebeng, Badeo, Kibungan, adda iti umuna a tukad iti sekundaria, kalpasan ti insayangkatda a buy-bust operation a nagpammarangan ti maysa nga ahente ti Philippine Drug Enfocement Agency (PDEA) a buyer.

Nakumpiska ken ni Perto ti 12 bricks a marihuana nga agdagsen iti nasurok a 20 kilos ken mapattapatta nga agbalor iti P513,750.#