Footer

Maladaga, naibati iti igid ti kalsada

PIDDIG, Ilocos Norte – Maysa a babai a maladaga ti nasarakan iti sanguanan ti maysa a balay iti Barangay Cabaroan ditoy nga ili a mapapati nga imbati ti inana.

Nasarakan ti ubing a nabungon iti puraw a lampin ken daradara pay laeng ket dagus a naipan daytoy iti ospital tapno mataming.

Naited ti maladaga iti kustodia ti opisina ti Social Welfare and Development ditoy nga ili.

Iti pannakaisurat daytoy, di pay nabigbig no sino ti ina a nangibati iti anakna a maladaga.#