Footer

Modernisasion ti agrikultura suportarantayo – Sen. Kiko

CANDON CITY – Inkalikagum ni Senator Francis Pangilinan ti suporta para iti agricultural modernization tapno masungbatan ti problema ti food security iti pagilian a Filipinas.

Daytoy ti sungbatna mainaig iti saludsod nangruna iti problema dagiti mannalon iti nababa a presio dagiti produktoda iti kataltalonan kas iti mais ken pagay.

“In the long run, itong ating agricultural modernization ay dapat bigyan ng all-out support,” kinuna ni Pangilinan.

Kinuna ti dati a Senate Majority Leader a daytoy ti mangsalbar, saan laeng iti problema iti ganansiaen dagiti mannalon, no di ket kangrunaan ti food security ti pagilian.

Ni Pangilinan ti kangrunaan a sangaili iti panaglukat ti parambak a Tobacco Festival itay Marso 23.

Maysa kadagiti nadakamat a rason no apay a maat-atiw dagiti mannalon ket gapu iti agtultuloy nga importasion kadagiti produkto ti talon iti sabali a pagilian.

“Maraming local farmers natin ang apektado dahil wala silang kalaban-laban sa mga produktong ibinabagsak dito,” kinuna ni Pangilinan.

“I think, the policy now should be reviewed… rather than relying on imports, think we should be relying on the capacity of our local farmers,” inyunay-unay ti senador.

Kinuna ni Pangilinan a no maisardeng ti importasion, saan unay a maagrabiado dagiti mannalon ken saan a madiktaran ti presio dagiti produktoda.

“Ang ating mga magsasaka ay dapat nating protektahan,” kinuna ti senador.#