Footer

27 ili, 7 siudad, makisalip iti streetdancing competition iti Festivals of the North

DAGUPAN CITY – Agdagup iti 27 nga ili ken pito a siudad ti nangkumpirma a makisalipda iti streetdancing contest iti Festivals of the North a maangay ditoy siudad inton Abril 27.

Paset ti streetdancing competition ti tinawen a pannakarambak ti Bangus Festival ditoy.

Kinuna ni Dagupan Vice Mayor Belen Fernandez a maipabuya iti streetdancing competition dagiti naangay a festival iti Amianan a Luzon.

Kinumpirman dagiti sumaganad ti pannakipartsiparda iti streetdancing competition: Pangasinan (15) – Balungao, Bayambang, Binmaley, Calasiao, Infanta, Manaoag, Mapandan, Pozzorubio, Sta. Maria, San Nicolas, Sto. Tomas, Umingan, Urbiztondo, Villasis, ken Malasiqui; La Union (4) -Agoo, Bauang, Naguillian ken Sto. Tomas; Ilocos Norte (4) -Paoay, Pinili, Pagudpud ken San Nicolas; Pampanga (2) – Candaba ken Mabalacat; Nueva Ecija (1) – Aliaga; ken Zambales (1) – Masinloc.

Makipartisipar met iti streetdancing competition dagiti siudad a pakairamanan ti Alaminos, San Carlos, Angeles, San Fernando, Laoag, Santiago, ken Dagupan.

Dagiti sumaganad dagiti premio: Overall champion – P200,000, first runner up – P100,000; 2nd runner up – P75,000; 3rd runner – P50,000; ken 4th runner up – P30,000.

Maited pay ti cash award a tig-P20,000 iti kapintasan iti costume, kapintasan iti choreography ken kapintasan a choreographer.#

Comments are closed.