Footer

Assistance center, maipasdek kadagiti ili

BANTAY, Ilocos Sur – Mangipasdek ti Department of Public Works and Highways iti assistance center kadagiti nadumaduma a lugar iti probinsia a tumulong kadagiti motorista ken agdaldaliasat nangruna iti panangselebrar iti Semana Santa.

Isayangkat ti DPWH ti Lakbay-Alalay Program manipud Abril 6-13 kas panagtungpal ti pammilin ni Sekretario Hermogenes Ebdane a maipasdek dagiti assistance center a mangipaay iti assistance kadagiti makasapul iti tulong iti panagbiaheda iti probinsia.

Adda met kaarngi nga assistance center nga ipasdek ti Philippine National Police ken non-government organizations iti igid ti kalsada iti nadumaduma nga ili a tumulong kadagiti bakasionista ken turista a makasapul iti tulong iti dalan.#