Footer

Balasang, naiwa ti bagna, natakaw ti kuartana

SAN FERNANDO CITY – Maysa a balasang ti nagbalin a biktima ti mannipdut bayat ti pannagnana iti maysa a kalsada ditoy siudad.

Nagpulong iti polis ni Arlene Manalang, 35, residente iti Philex Poro, ditoy siudad a natakaw ti kuartana a P32,940 bayat ti pannagnana iti Ortega Street ditoy siudad.

Segun iti biktima, mapanna koma ideposito ti kuartana iti bangko ngem idi magmagna iti Ortega Street, maysa a lalaki ti nangdungpar kenkuana.

Natakuatan laengen ti biktima a naiwa ti bagna ken awanen ti kuartana.

Saan pay a nabigbig ti mannanakaw.#