Footer

Mobile passport services, insayangkat ti DFA, PRO1

SAN FERNANDO CITY – Insayangkat ti Department of Foreign Affairs Regional Consular Office I ken babaen ti pannakikammayet ti Police Region Office I ditoy ti mobile passport services para kadagiti police personnel ken dagiti pamiliada itay Marso 28 iti Concord building ditoy.

Kinuna ni Police Chief Supt. Ramon V. Gatan, PRO1 regional director, a naisayangkat ti mobile passport services tapno matulongan dagiti police personnel ken dagiti pamilia a makaala iti pasaporteda a nadardaras ken basbassit ti magastosda.

Agdagup a 65 dagiti polis ken pamiliada ti nagaplikar iti pasaporte.

Kinuna ni Gatan a babaen daytoy a programa a Mobile Passport Services, maikkanda iti quota a 500 nga aplikasion para iti pasaporte tunggal quarter.#