Footer

Pannakarambak ti Tobacco Festival, naballigi

CANDON CITY – Naragsak ken naballigi ti Tobacco Festival 2009 kas maibasar kadagiti nagkaadu a turista, sangsangaili ken residente a nagbuya kadagiti nadumaduma nga aktibidad ti parambak ditoy.

Kangrunaan a dinupudop dagiti tattao ti Miss Virginia Tobacco pageant a naangay iti Marso 27, ti Miss Bikini Open ken ti Street Dancing Competition nga agpada a naangay iti Marso 28, ti salip iti panagdubla, 2nd Leg Motocross Challenge, Airsoft Competition, DZTP 9 Ball Challenge, Philharmonic Orchestra Concert, Ilocandia Singing Idol, Boxing, Ilocandia Singing Idol, Boxing, concerts ken dadduma pay.

Maramrambakan ti Tobacco Festival kas panangitandudo iti birhinia a tabako a kangrunaan a produkto daytoy a siudad. #