Footer

9 Ball Challenge, insayangkat ti DZTP

CANDON CITY – Aganay  40 a bumibiliar manipud iti nadumaduma nga ili ti probinsia ti nakipartisipar iti 1st DZTP 9-Ball Challenge, SPM Alfonso Singson Cup a naangay iti Stern Mall, Candon City kas maysa a paset ti panagpiesta daytoy a siudad itay nabiit.

Nagkampeon ni Jun dela Cruz, ti Candon City;  maikadua a puesto ni Danilo Antalan ti Candon City;   maikatlo ni James Olivas ti Santa Maria; ken maikapat ni Amante Feraldo ti Candon City.

Malaksid ti Candon, nakisalip ditoy dagiti bumibiliar ti Santa Lucia, Santa Maria, Narvacan, Ilocos Sur ken dadduma pay nga ili.

Kangrunaan a gagem ti pasalip ti pannakatakuat dagiti Ilokano a nalaing iti biliar.#

Comments are closed.