Footer

Balay dimmapo gapu iti bimtak a tangke ti gas

SAN FERNANDO CITY – Nauram ti maysa a pagdagusan a balay gapu iti bimtak a tangke ti liquified petroleum gas iti  Barangay Ilocanos Sur, ditoy itay lawasna.

Nadaras a nagkayamkam ti apuy gapu iti bimtak nga LPG ken iti napigsa nga angin a nangpadapo iti dua a kadsaaran a pagkaseraan a kukua ni Remedios Bautista, residente iti Luna, La Union.

Nupay kasta, gapu iti nadaras a panagresponde dagiti kameng ti Bureau of Fire Prevention ditoy siudad, nakontrol a dagus ti uram ket saan a nagramaram kadagiti kabangibangna a balbalay.

Awan ti naireport a nasugatan kadagiti 12 nga agkaskasera.#

Comments are closed.