Footer

Nainaganan finalists iti PPI civic journalism awards

INNEM nga aginaldaw a pagiwarnak ken pito nga aglinawas a newspapers ti finalists iti Civic Journalism Community Press Award nga insayangkat ti Philippine Press Institute (PPI).

Napili a finalists iti daily category ti Sun.Star Cebu, The Freeman (Cebu City), Cebu Daily News, Sun.Star Davao (Davao City), Punto Central Luzon (City of San Fernando), ken Sun.Star Baguio.

Napili met a finalists iti weekly category ti Baguio Midland Courier, Sunday Punch (Dagupan City), Mabuhay (Bulacan), Balikas (Lipa City), The Sunday Negros Chronicle (Dumaguete City), West Leyte Weekly Express (Ormoc City), ken Sun.Star Socsargen Business Weekly (Gen. Santos City).

Mapadayawanto dagiti mangabak bayat ti maika-13 nga Annual Membership Meeting ti PPI a maangay iti Diamond Hotel Philippines inton Abril 28.

Padayawan ti PPI dagiti pagiwarnak a kasayaatan iti editing, science and environmental reporting, business and economic reporting, photojournalism, ken editorial writing.

Ita a tawen, kabinnulig ti PPI  ti Coca-Cola Export Corporation iti pannakaited dagiti pammadayaw kadagiti mapili a pagiwarnak. Iti napalabas, timmultulong ti Coca-Cola Export Corporation a mangpadur-as iti community press babaen dagiti trainings partikular iti civic journalism.

Nairusat ti Annual Community Press Awards idi 1996  idinto a immuna a naiyawat idi 1997 dagiti pammadayaw kadagiti regional newspapers kas panggep ti awards program a maingato ti pagbatayan iti panagiwarnak kadagiti probinsia, pannakaited iti dayaw kadagiti news organizations saan laeng gapu iti ekselente nga editorialda no di pay iti annongenda kas catalysts para iti pannakaidur-as ti komunidad.

Dagiti sumaganad dagiti hues ita a tawen: Vergel Santos, Business World, (chairman, board of judges), Business World; Red Batario, Center for Community Journalism and Development; Yvonne Chua, Department of Journalism of the University of the Philippines-Diliman;  dati a Department of Environment and Natural Resources secretary Atty. Fulgencio Factoran Jr., ken Pacita Juan,  Philippine Coffee Board Inc.#

Comments are closed.