Footer

Minibus, delivery van, nagdinnungpar

STA. LUCIA, Ilocos Sur – Maysa a minibus ken delivery van ti nagdinnungpar iti Barangay San Juan, ditoy nga ili iti parbangon ti Abril 16.

Iti pakpakauna nga inbestigasion ti polis ditoy, agpaamianan ti closed delivery van, addaan plaka a RFD-717 a minaneho ni Teddy Candelario, 33, residente iti Malabon ket mapapati a simmakup iti linia ti minibus a Chredcel a minaneho ni Christopher Batin, 26, residente iti Banaoang, Santa, Ilocos Sur a puon ti nagdinnungparanda.

Karaman kadagiti nasugatan da Michael Burgos a konduktor ti minibus, ken dagiti pasahero a da Norma Sarian, Avelina Paculan, Marilyn Bigornia, Gloria Ramirez, Florentino Haduca, Joan Mae Hermosora ken Jena Marie Hermosora ken ni Homer Cruz a pahinante iti van ket naitarayda iti ospital para iti pannakataming dagiti sugatda.#

Comments are closed.