Footer

Nabagsol, naideklara a natay iti ospital

BAGUIO CITY – Naideklara nga awanen ti biag ti maysa a lalaki a biktima iti pammagkong a napasamak iti alas dose ti rabii iti Hilltop ditoy siudad.

Nainaganan ti biktima a ni Ador Fabianes, 42, agnaed iti Upper Quezon Hill, Baguio City.

Nasarakan dagiti dua a para sagad iti kalsada ni Fabianas a napasag iti Hilltop ket babaen ti tulong dagiti polis, naitaray iti Baguio General Hospital and Medical Center ngem saanen a naidanon ti biagna gapu kadagiti grabe a bagsolna iti nadumaduma a paset ti bagina.

Segun dagiti di nainaganan nga street cleaners, adda nakitada nga uppat a tattao a nagtataray iti nakapasamakan ti pammagsol.

Di pay naammuan ti kinasiasino dagiti nangbagsol ken ni Fabianes.#

Comments are closed.