Footer

Kamatis dagiti mannalon ti I. Sur, inkari ti NFC a bayadan

LAOAG CITY – Segun iti opisial ti maysa a kompania ti pasta, ikarigatanda a bayadan dagiti ginatangda nga apit a kamatis dagiti mannalon iti Ilocos Sur iti daytoy a bulan.

Kinuna ni Norberto Mendoza, vice president for operations ti Northern Foods Corporation, a nataktak ti panagbayadda kadagiti mannalon gapu ta saan a dagus a nabayadan dagiti order a pasta a partuat ti kompania.

Naidanon iti nasao nga opisial babaen ti Bombo Radyo ti reklamo dagiti mannalon iti Ilocos Sur a saan pay a nabayadan ti apitda a kamatis.#