Footer

Natalna Balik-Eskwela iti Rehion I

SAN FERNANDO CITY – Natalna ti panaglulukat dagiti klase iti rehion idi Hunio 1, daytoy ti positibo nga assessment ti PNP regional director ditoy.

Kinuna ni Police Chief Supt. Ramon Gatan, regional director, a natalna ti Balik-Eskwela iti rehion kas resulta iti nainget a panagisayangkat dagiti polis iti visibility operations kadagiti pagadalan, lugar-negosio ken dadduma pay a pagdudupudopan dagiti tattao.

Sakbay ti panaglukat dagiti klase idi Hunio 1, imbilin ni Gatan ti pannakaideploy ti Bomb Squads ken Special Weapons and Tactics (SWAT) teams dagiti police provincial offices kadagiti school/university zones tapno masigurado ti seguridad dagiti pasdek.

Timmulong pay dagiti polis iti rehion iti pannakaidanon dagiti advisories iti salun-at kadagiti nadumaduma a pagadalan tapno malapdan iti pannakaakar iti A H1N1 virus.

Pinaingetan pay ti kapolisan iti rehion ti pannakaiwayat dagiti checkpoints iti pagbeddengan ken sumrekan ken ruaran dagiti probinsia kas paset ti nasamsamay a kampania kontra krimen.#

Comments are closed.