Footer

Police car, naidungpar

STA. MARIA, Ilocos Sur – Naidungpar ti maysa a police car bayat ti panagresponde dagiti polis iti alas dies ti rabii iti maysa a tawag nga adda lalaki nga agprobprobokar iti Barangay Suso ditoy nga ili.

Dinungpar ti patrol car nga Isuzu Innova a minaneho ni SPO3 John de Vera Crisostomo, naasawaan, residente iti Maynganay Norte ditoy ti kongkreto nga alad iti nadakamat a barangay.

Mapapati a di nakontrol ni Crisostomo ti lugan gapu iti pannakabtak ti kanawan a kamauna a pilid daytoy.

Nupay kasta, awan ti nadangran kadagiti polis a nakalugan iti nasao a lugan.#