Footer

Lalaki, pinarakapak kalugaranna, natay

BURGOS, Ilocos Sur – Maysa a lalaki ti pinarakapak ti kalugaranna iti Barangay Mambog ditoy nga ili itay nabiit.

Segun iti report, adda iti dalan nga aggawid ni Rafael Tejada, 29, naasawaan, taga-Bulbulala-La Paz, Abra ngem agnaeden ditoy a barangay, kaduana ti kayongna, idi kellaat a nagparang ni Fernando Donito, Jr., kalugaranda, sa mapapati a pinarakapakna ti biktima.

Dagus a natay ti biktima ngem nakataray ti kayongna.

Nakarekobre dagiti polis iti 25 a kapsula a nagtaud iti M16 armalite iti nakapasamakan iti krimen.#

Comments are closed.