Footer

Lalaki, insaldana ti luganna, sana intaray

VIGAN CITY – Insaldana ti motorsiklona sana met la linibas nga intaray. Gapu iti daytoy, dakdakkel manen ti problema a sanguen ti suspetsa gapu ta nagpulong ti biktima iti polis ditoy.

Segun iti report, sinaldaan ni Joel Asuncion, 26, ti motorsiklo ni Emmanuel Tolentino, 19, residente iti Shelterville, Barangay Capangpangan ditoy siudad, iti P5,000. Ngem mapapati nga intaray ni Tolentino ti luganna idi naabak iti sugal iti natayan.

Kinamat da Asuncion ken maysa a kaduana ni Tolentino ngem idi makamatanda, mapapati a bimmunot daytoy iti patadem sana binallaagan ida.

Nagpulong dagiti dua iti polis.#

Comments are closed.