Footer

Bingay iti RA 7171, nailatang kadagiti proyekto

BANAYOYO, Ilocos Sur – Nadumaduma a proyekto ti inaprobaran ti konseho ditoy a pakaipanan ti bingay daytoy a munisipalidad manipud iti RA 7171.

Agdagup iti P1,583,999.00 ti bingay daytoy nga ili iti tobacco excise tax kas intuding ti RA 7171.

Pakairamanan dagiti proyekto a pakaipaayan ti nasao a pondo ti livelihood assistance, pannakasimpa ti multi-purpose hall ti Barangay Pila, farm to market road ti Barangay Bagbagotot, ken pannakaisagana ti pagbangonan ti baro a tiendaan daytoy nga ili.#