Footer

Burger stand, natakawan

CABUGAO, Ilocos Sur – Natakawan itay lawasna ti maysa a burger stand iti Barangay Rizal ditoy nga ili ket intaray dagiti mannanakaw ti kuarta ti tindera agraman ti naglakuanna.

Naammuan iti report a tallo a lallaki ti nagsardeng iti Frank Burger stand iti Barangay Rizal ditoy nga ili, pinaturonganda iti paltog ni Grace Urian, ti aglaklako, sada kinasakas ti kuartana a P2,500 ken naglakuanna a P1,000.

Saan a nailasin ti aglaklako dagiti suspetsa ta nakaboneteda.#