Footer

Home for the aged, naluktan

MAGSINGAL, Ilocos Sur – Naluktan ti balay dagiti indigent a nataengan iti probinsia ditoy nga ili itay Hulio 8.

Sangapulo ket maysa a marigrigat a lallakay ken babbaket nga awan ti mangaywan kadakuada ti pangrugian a bilang dagiti aggian iti daytoy a home for the aged a proyekto ti gobierno probinsial nga idauluan ni Gov. Deogracias Victor Savellano.

Manamnama a manayonan ti bilangda kalpasan ti nainget a pannakaarisit dagiti talaga nga agkasapulan a maaywanan iti nasao a home for the aged.

Nairusat daytoy a proyekto gapu iti natakuatan iti Ilocos Sur Hotline nga adu a bilang dagiti lallakay ken babbaket nga agsolsolo nga agbibiag gapu iti kaawanen ti mangaywan kadakuada.#

Comments are closed.