Footer

Pagtaengan, nagsasaruno natakawan

CANDON CITY – Nagsasaruno dagiti panagtakawan kadagiti pagtaengan ditoy a siudad itay nabiit.

Kaudian a natakawan ti pagtaengan ni Arnel Valdez iti Barangay Darapidap ditoy nga ili a nakapukawan ti selpon a N93 ken kuartana a 1000 Korean won.

Sakbayna, natakawan da Johnny Palacio bayat ti kaawanda iti balayda iti San Antonio ket kinasakas dagiti mannanakaw ti kuartada a P50,000.

Natakawan met ti balay da Jerry ken Shirley Luna, agnaed iti Barangay Bagani Gabor ket intaray dagiti mannanakaw ti dua a selpon, digicam ken P8,000 a kuarta.

Iti pannakaisurat daytoy, awan pay ti natiliw a suspetsa kadagitoy a panagtakaw.#