Footer

Skills training center, maipasdek

VIGAN CITY – Naaprobaran iti maikadua a pannakaibasana ti resolusion a mangipasdek iti maysa nga skills training center ditoy siudad.

Sangsangkamaysa dagiti konsehal a nanganamong iti second reading ti pannakaipasdek ti Vigan City Skills and Training Center iti sessionda itay nabiit.

Pinutar ni Kon. Henry Formoso, maiyadal ditoy dagiti vocational ken technical courses kadagiti agnaed iti daytoy a siudad nga awanan ti panggedan, out of school youth ken dagiti overseas Filipino workers a dida kayaten ti agsubli.

Madama ti pannakaipatakder ti maysa a pasdek iti amianan ti terminal dagiti dyipni ken mini-bus a pagadalanto kadagiti teknical ken bokasional a kurso.#