Footer

Barangay kagawad, natay iti pannungpar

SINAIT, Ilocos Sur – Natay ti maysa a barangay kagawad kalpasan a mapapati a nakidinnungpar ti motorsiklona iti maysa a delivery van iti national highway a sakup ti Barangay Calanutian ditoy nga ili.

Natay gapu kadagiti grabe a sugatna ni Vicente Alejandrino, barangay kagawad ti Nagsangalan, Vigan City.

Segun iti report, agawiden manipud iti Laoag City a naggatanganna iti piesa ti lugan ti biktima idi mapapati a nakadungparna ti delivery van.

Naitaray met iti ospital ti drayber ti van.

Nakaro ti dadael ti motorsiklo ti biktima.#