Footer

Karbengan dagiti babbai, ubbing, nailawlawag

CANDON CITY – Dagiti karbengan ken linteg a mangsalaknib kadagiti babbai ken ubbing ti topiko iti programa dagiti polis ditoy nga estasion kas paset ti pannakaselebrar ti Police Community Relations Month iti daytoy a bulan.

Inlawlawag dagiti babbai a polis a mangbukel iti Cluster 6 a pakairamanan da PO3 Resureccion R. Padiwan, PO3 Sanny Pat Segismundo, PO2 Mariecris Acosta, ken PO1 Annabel Ablog ti family juvenile gender awareness and development partikular ti Anti-violence Against Women and Children Act.

Sakupen ti Cluster 6 ti Alilem, Suyo, Sugpon, Tagudin, Santa Cruz ken Santa Lucia.

Dagiti nasao a pulis ti mangiwanwan iti Women and Children Protection Desk (WPCD).

“Bayanihan ng Pulis at Mamamayan Tungo Sa Kapayapaan at Kaayusan” ti tema ti PCR celebration.#