Footer

Mannalon, naarmalait, natay

BURGOS, Ilocos Sur – Maysa a mannalon ti inarmalait dagiti armado a tattao iti Barangay Callitong ditoy nga ili a puon ti nakagudasanna.

Segun iti report, nalukag ni Elmer Dizon y Pimentel, 46, mannalon, naasawaan, agnaed iti nadakamat a barangay idi adda nagtugtog iti ruangan ti balayda iti agarup ala una ti parbangon ti Hulio 14.

Apaman a naluktan ti biktima ti ruangan, pinaltopaltoganen dagiti di pay nabigbig a suspetsa a puon ti nakatayanna dagus.

Nakarekobre dagiti polis iti uppat a kapsula ti M16 rifle ken maysa a cartridge para iti carbine iti nakapasamakan ti krimen.

Kitkitaen dagiti polis no adda pakainaigan iti kaadda ti live-in ti biktima iti pammapatay.#