Footer

3 natay iti pannungpar

SAN FERNANDO CITY- Natay met laeng iti nakaitarayanda nga ospital ditoy siudad dagiti dua a naglugan iti Elf a mapapati a nangdungpar iti maysa a truck iti parbangon ti Hulio 26 iti national highway ti Barangay Olo-olo Sur ditoy nga ili.

Naammuan iti report a natay ni Jefferzon Dolerte iti Lorma Hospital a nakaiyalisanna ken ni Oscar Nambay iti nakaitarayanna a Regional Hospital iti San Fernando City.

Immuna a naideklara a natay idi maidanon iti Candon General Hospital kalpasan ti pannungpar ni Christopher John Biggian y Penuliar, 24, naasawaan, residente iti Barangay Pias, Mapandan, Pangasinan, nagmaneho iti Isuzu Canter a nagluganan met dagiti dua.

Iti inbestigasion dagiti polis, nagsardeng ti 22-wheeler truck a minaneho ni RogelioTobia y Ilar, residente iti Barangay Bajet, San Ildefonso, Ilocos Sur gapu iti panagsilaw ti nalabaga ti traffic light ket mapapati a di napakadaan ni Biggian, nagmaneho iti Izusu Canter,a puon iti pannakadungparna iti kutit ti lugan.#

Comments are closed.