Footer

Baro, nadundunor iti aksidente

BANTAY, Ilocos Sur – Nadundunor ti maysa a baro kalpasan a dinungpar ti motorsiklona ti kutit ti maysa a bus iti Barangay Guimod ditoy nga ili.

Naitaray ni Jasper Julian Casino, 17, baro, residente iti Namalangan, Santa, Ilocos Sur iti Metro Vigan Cooperative Hospital gapu kadagiti sugatna iti nadumaduma a paset ti bagina, rupa ken pannakatukkol ti kanawan a luppona.

Naammuan iti report a mapapati nga adda kinalumba ti biktima a puon ti nakadungparanna iti kutit ti nakasardeng a bus a minaneho ni Berto Pagtilian, 32, naasawaan, residente iti Baguio City.#