Footer

Tricycle driver, napapatay

SINAIT, Ilocos Sur – Maysa a tricycle driver ti pinapatay ti dua a lalaki a naglugan iti motorsiklo iti national highway a sakup ti Barangay Jardin ditoy itay lawasna.

Saanen a naidanon iti ospital ti biag ni Almer Igme, 38, naasawaan, residente iti Barangay Namnama ditoy nga ili gapu kadagiti grabe a sugatna iti ulo, likud ken kannigid a lapayagna.

Naammuan iti report nga agdaldaliasat ti biktima iti national highway a sakup ti Barangay Jardin idi sinaruno dagiti suspetsa a nakaaruat iti camouflage ken naabungotan ti rupada sada pinalpaltogan ti biktima.

Nakarekobre dagiti polis iti 7 kapsula manipud iti cal. 45 iti nakapasamakan ti krimen.#