Footer

Cabugao, Green Banner Awardee

VIGAN CITY – Inyalat ti Cabugao ti Green Banner Award kas kasalun-atan nga ili iti sibubukel a probinsia ti Ilocos Sur bayat ti Provincial Nutrition Month Celebration idi Hulio 29. Nagbalin met a 1st runner-up ti Tagudin, 2nd runner-up ti Galimuyod ken 3rd runner-up ti Alilem.

Napili met kas Most Outstanding Barangay Nutrition Scholar ni Widna Galuardo ti Calumbaya, Galimuyod; 1st runner-up ni Perla Tabalina ti Nalasin, Sto. Domingo; second runner-up ni Rosemarie Apostol ti Baracbac, Tagudin ken 3rd runner-up ni Macrina Saturno ti Bonifacio, Cabugao.

Dagitoy dagiti nangabak kadagiti nadumaduma pay a pasalip:

Cooking (para kadagiti high school students): 1. Aileen Caabay-Mabilbila Integrated School; 2. Dayanara Varilla-Solot-solot National High School; 3.Apple Joy Aquino -Narvacan National Central High School

Cooking (mothers): 1. Alexis Alma Bayuca-Sta. Maria; 2. Juliet Serato-Santa; 3. Vilma Lara-Caoayan

Healthy Baon (elementary): 1. Mary Claire Quibol-Caoayan; 2. Marjorie Lemi-Tagudin; 3. Kristal Haban-Sta. Lucia

Nutri-Quiz (mothers): 1. Darlene Blando – Santa; 2. Fredlander Lanuza – Tagudin; 3. Roselia Ritarita – Caoayan

Health Canteen (serving healthy lunch): 1. Sinait National High School; 2. Narvacan National Central High School; 3. Tagudin National High School; 4. Lussoc National High School; Solot-solot National High School

Iti mensahena, kinuna ni Gov. Deogracias Victor “DV” Savellano a mangrugi iti Agosto, agiwaras ti gobierno probinsial iti bukel ti agduduma a nateng kadagiti amin a barangay iti probinsia tapno agtultuloy ti nasayaat a nutrision ken mapapigsa ti backyard gardening kadagiti amin a pagtaengan.

Kinuna pay ni Savellano nga agibulos ti provincial government iti agduduma ti klasena a lames iti amin a bagi ti danum kas iti karayan, waig, ken dadduma pay a mabalin a pakataraknan ti ikan.

Babaen itoy, maaddaantayton iti umdas a produksion ti makan iti probinsia,” kinuna ti gobernador.#