Footer

Lalaki nga immuli iti atis, nakoriente

BANTAY, Ilocos Sur – Natay ti maysa a residente ti Barangay Cabalanggan ditoy nga ili gapu iti pannakakorientena idi Agosto 4.

Segun iti report, immuli ni Darwin Balaan, 25, naasawaan, taga-Bauang, La Union ngem temporario nga agnaed iti nadakamat a barangay, iti atis nga adda iti sanguanan ti balayda tapno agpuros iti bungana ngem naiggamanna ti poste a nakaikabitan ti live wire a puon ti nakakorientaanna.

Saanen a naidanon ti biag ti biktima idi maidanon iti Metro Vigan Cooperative Hospital.#