Footer

Nagatang dagiti mannalon a ganagan, peke?

CAOAYAN, Ilocos Sur – Indanon ti maysa a konsehal iti sangguniang bayan ditoy ti reklamo dagiti mannalon a peke ti nagatangda a ganagan.

Segun ken ni Konsehal Joe Llanes, reklamo dagiti mannalon a saan a nagpaut ti panaglangto dagiti mulada a pagay kalpasan ti panagganaganda, saan a kas iti napalabas a nadaras a rimmukbos ti raepda.

Kiniddaw ni Llanes iti pangulo ti komite ti agrikultura ti panangipaayna iti atension iti daytoy a reklamo dagiti mannalon.

Nupay kasta, saan a nadakamat ti nagan ti nagatang dagiti mannalon a mapapati a peke a ganagan.#