Footer

Agkapkape iti garahe, napapatay

CANDON CITY – Saanen a natalged ti agkape iti uneg ti paraangan ti balayna, naladaw a naduktalan daytoy biktima ti pammaltog.

Napapatay ni Leonilo Molina, 31, naasawaan, residente iti Barangay Allangigan Primero ditoy siudad bayat ti panagkapena iti uneg ti garahena idi Agosto 25.

Segun iti report, simrek dagiti suspetsa iti garahe sada pinaltogan ti biktima. Timmaray ti biktima ngem sinurot dagiti suspetsa sada inuloyan.

Naglibas dagiti suspetsa kalpasan ti pammapatay.

Nakarekobre dagiti inbestigador kadagiti kapsula manipud iti cal. 45 iti nakapasamakan ti krimen.#