Footer

Baro, nagudas iti pannungpar

CANDON CITY – Natay ti maysa a baro kalpasan a nakidinnungpar ti motorsiklona iti maysa a bus iti national highway a sakup ti barangay Paras ditoy nga ili.

Nainaganan ti biktima a ni Daryll Greig Hadap, 20, residente iti Sabuanan, Sta. Lucia, Ilocos Sur idinto a nabigbig ti drayber iti Partas bus a ni Diomedes Christy Corpuz, 39, residente iti Camaan, Burgos, Ilocos Norte.

Iti inisial nga inbestigasion dagiti polis, agpaabagatan ti XRM, addaan plaka BI-4128 a minaneho ti biktima ket agpa-amianan met ti Partas bus idi mapapati a nagsinnapgidda iti kalsada.

Naitaray ti biktima iti ospital ngem natayen idi maidanon iti balay-pagagasan.#