Footer

2nd Candonian International Reunion, maangay

2nd Candonian International Reunion, maangay

CANDON CITY – Maisayangkat ti 2nd International Candonian Reunion (INCARI) diay Gold Coast Hotel and Casino, Las Vegas, Nevada inton October 9-11, 2009, daytoy ti impakaammo ni Maricar Bello, mangidaulo iti Candonians of Southern California.

Idi tawen 2006, naisayangkat ti umuna a panagtitipon a nakipartisiparan ti nasurok 500 a Candonians agraman dagiti gagayyem ken dadduma pay a bisita manipud iti nadumaduma a paset ti lubong babaen ti panangesponsor ti Candonians of Southern California.

Ti INCARI 2009 ket isponsoran dagiti tallo a dadakkel nga asosasion dagiti Candonians iti mainland USA a pakaibilangan ti Candonians of Northern California, Inc. nga idadauluan ti presidente a ni Edward Bragado; ti kabarbaro nga organisasion a Candonians of Las Vegas, Inc, nga idadauluan ni Manuel Carino; ken ti Candonians of Southern California, Inc. nga idadauluan met ni Lilia Ramos Alog, overall chairperson iti daytoy a reunion.

Makipaset met iti reunion dagiti Candonian organizations iti Hawaii, Toronto, Vancouver, Midwest, Hong Kong, Greece ken The Netherlands.

Dagiti sumaganad dagiti aktibidad iti nasao a reunion: Oct. 9 – cultural presentations ken entertainment numbers ken all-night dancing bayat ti buffet dinner nga isagut ti Candonians of Northern California, Inc.; Oct. 10 – bowling tournament nga esponsoran ti Candonians of Southern California, Inc., panagtitipon dagiti pamilia, aggagayyem ken agkakaadalan; Gala Night – dinner, entertainment number ken ball room dancing; ken Oct. 11 – Misa, breakfast buffet ken plenary meeting a pakipartisiparan dagiti timmabuno tapno mapagsasaritaan dagiti pagsayaatan ti organisasion ken tunggal maysa.

Addanto maaramid a souvenir program a pakalaglagipan ti pasken.#

Comments are closed.