Footer

Vintage bomb, nakali

NARVACAN, Ilocos Sur – Imbes a kamangeg, kadaanan a bomba ti nakali ti maysa a lalaki iti Barangay Lungog ditoy nga ili itay nabiit.

Segun iti report, agkalkali ni Bryan Salvatierra iti kamangeg iti Catayagan, Kakaldingan, Lungog ditoy nga ili ket nakigtot laengen ta bomba metten ti naalut-otna.

Dagus nga impakaammo ni Salvatierra iti polis ti nakalina a bomba para iti pannakaipaknina.

Iti pannakaisurat daytoy, di ammo no live wenno saan ti nasao a bomba.#

Comments are closed.