Footer

Baro a pagbaludan, maipatakder

VIGAN CITY- Maipatakder ti baro a pagbaludan daytoy a siudad iti Barangay Ayusan Norte.

Naangay ti ground breaking ceremony para iti pannakaipatakder ti nasao a pagbaludan idi Septiembre 3

Kinuna ni Mayor Eva Marie S. Medina a nalawlawanton ti aangsan dagiti balud no maiyalisda ti baro a pagbaludan iti nasao a barangay, saan a kas iti agdama a pagbaludan a nailet.

Manamnama a maaddaan pay iti livelihood projects dagiti balud gapu ta makapaggardendanton ta nalawlawa ti daga a paglas-udan ti pagbaludan.#