Footer

Medical mission, insayangkat ti PCSO

VIGAN CITY – Kas paset ti panangselebrar ti Philippine Charity Sweepstakes iti maika-75 nga anibersariona, naangay ditoy probinsia ti simultaneous a medical and dental mission kadagiti amin nga ili ditoy probinsia idi Septiembre 6.

Segun ken ni Vice Gov. Jerry Singson, naipaayan iti libre a medikal ken dental a serbisio dagiti marigrigat nga agnaed 32 nga ili ken 2 a siudad iti probinsia.

Rinambakan ti PCSO iti daytoy nga aldaw ti Diamond Jubilee nga anibersariona ket insayangkatna ti nasao a medical ken dental mission iti intero a pagilian.

Kinuna ni Singson a sobra dagiti naited a medisina ket naibati dagiti di naaramat iti mission tapno adda usaren dagiti rural health units para kadagiti makasapul a kalugaranda.#