Footer

2 motorsiklo, inarado ti Izuzu trooper

SANTIAGO, Ilocos Sur – Dua a motorsiklo ken maysa a gripo ti inarado ti maysa nga Isuzu trooper sakbay a dinungparna ti puon ti ilang-ilang iti aksidente a napasamak iti Barangay Dan-ar ditoy nga ili itay nabiit.

Segun iti report, agpaabagatan ti Isuzu Trooper, addaan plaka a PKZ-717, minaneho ni Samson Brioso, residente iti Calamagi 1st, Ilagan, Isabela ket ag-obertek koma ngem adda masabatna a lugan isu nga agsubli koma ti lugan iti liniana ngem mapapati a napukawna ti prenona ket dinalapusna ti dua a motorsiklo a nakaparking iti igid ti kalsada, gripo sana dinungpar ti puon ti maysa nga ilang-ilang.

Inkari ni Brioso nga ibaklayna ti gastos iti pannakatarimaan dagiti nadadael a motorsiklo.#