Footer

Balasitang, natukkol ti abagana iti aksidente

CANDON CITY – Gapu iti aso, naaksidente ti maysa a balasitang a puon ti nakatukkolan ti abagana.

Naitaray iti Candon General Hospital ditoy sa naiyalis iti Central Ilocos Sur District Hospital ni Joan Kris Aberra, 16, estudiante, residente iti Barangay Darapidap, ditoy siudad gapu iti pannakatukkol ti abagana gapuen ti pannakatuang ti XRM a motorsiklo a nakikalugananna a minaneho ni Edward Manzano Mina, residente iti Poblacion, Santiago, Ilocos Sur bayat ti panagdaliasatda iti Barangay Langlangca 2nd ditoy siudad.

Segun iti polis, agpapaabagatan ti lugan dagiti dua idi kellaat a bimmallasiw ti maysa nga aso ket napilidanda a puon ti nakatuangan ti motorsiklo.#

Comments are closed.