Footer

Konsierto para biktima ti bagyo, impaay ti ISLA

SAN ILDEFONSO, Ilocos Sur – Maysa a libre a konsierto ti inangay ti Ilocos Sur Local Artists (ISLA) para kadagiti biktima ti Bagyo Ondoy ken Pepeng idi Nobiembre 14 ditoy nga ili.

Duapulo a lokal a banda ditoy probinsia ti nangipangeg kadagiti kantada iti nasao a konsierto a nakaur-oran iti boluntario a tulong manipud kadagiti agbuya para kadagiti nadidigra iti Bagyo Ondoy ken Pepeng.

Naipaima ti naur-or a kuarta iti parokia ditoy tapno daytoyen ti mangited kadagiti biktima iti bagyo.#