Footer

Lalaki, natagbat iti samurai

STA. MARIA, Ilocos Sur – Naiyospital itay nabiit ti maysa a lalaki gapu iti panangtagbat kenkuana ti nakasusikna a kalugaranna iti Barangay Nalvo ditoy nga ili.

Naipaagas iti ospital ni Generoso Zamora, 46, naasawaan gapu iti sugatna iti ulo ken saka gapu iti panangtagbat kenkuana ni Nemio Doña, kalugaranna, babaen ti samurai.

Segun iti police blotter, bayat ti panaggawid ti biktima ken ti pamiliana, nagparang ti suspetsa a nakaiggem iti samurai sa mapapati nga imbalikasna ti “no dinak patayen tatta, siak ti mangpatay kenka” ket kinamatna ti biktima sana tinagbat.#