Footer

Agballasiw a balo, nadungpar

CANDON CITY – Maysa a balo ti natay gapu iti panangdungpar kenkuana ti maysa a lugan idi bimmallasiw iti kalsada nasional a sakup ti Barangay Ayudante ditoy.

Nainaganan ti biktima a ni Jesusa Toquero, 68, residente iti Barangay Ayudante ditoy siudad, idinto a maysa a managan iti Philip Patuban,31,naasawaan, drayber ti Isuzu Elf a nakadungpar iti biktima.

Segun iti polis, bumallasiw koma iti kalsada ni Toquero ket mapapati a naladawen idi makita ti drayber ket nupay nagpreno, nadungpar latta ti biktima.

Naipuruak ti biktima gapu iti pigsa ti pannakadungparna ket natay iti ospital a nakaitarayanna gapu iti sugatna iti ulo ken dadduma a paset ti bagina.#

Comments are closed.